Mga senador, milimod sa alegasyon nga gamiton ang 2027 budget nga ganti sa pagkontra kang VP Sara

Gisalikway sa mga senador ang alegasyon ni Vice President Sara Duterte nga gamiton ang 2027 national budget aron pugson ang mga senador-huwes nga paboran ang iyang pagkombikto sa impeachment trial.

Matud ni Senate President Sherwin Gatchalian, walay basihan ang maong alegasyon ug walay kalabotan ang nasudnong badyet sa ilang paghukom sa kaso.

Gipasalig usab niya nga mahimong bukas sa publiko ang paghisgot sa badyet aron masubaybayan ang proseso sa pag-aprobar niini.

Samtang, gibasura usab ni Senador Erwin Tulfo ang pag-angkon nga gigamit ang badyet isip pagpamugos, tungod kay nagpadayon pa ang impeachment trial ug wala pa makadesisyon ang mga senador-huwes sa kaso ni Duterte.