Samtang seryoso ang mga hamtong sa Portugal sa pagpili sa ilang sunod nga pangulo sa nasud niadtong Domingo, ang mga kabatan usab nalingaw sa ilang kaugalingong bersyon sa eleksyon.
Sa usa ka polling station sa Lisbon, ang kapital sa Portugal, gitugotan ang mga bata nga mouban sa ilang mga ginikanan aron masinati ang aktwal nga pagboto.
Apan imbes litrato sa mga politiko, ang mga “kandidato” sa ilang balota mao ang mga sikat nga fictional characters sama nila Super Mario ug mga karakter sa Roblox.
Tumong sa inisyatiba nga mahatagan og kahibalo ang kabataan sa kamahinungdanon sa demokrasya ug civic duty bisan anaa pa lamang hingkod nga pangidaron.
Sumala sa mga ginikanan, maayong pagbansay kini aron dili motubo nga walay interes o kabangkaagan ang mga bata sa pagboto inig-abot nila sa hustong edad.
Gipasiugda usab nila nga ang pagboto usa ka katungod ug responsibilidad sa matag lungsuranon.
Matud ni Catarina Barbosa, buot niining mabati sa iyang 8-anyos nga anak nga si Artur nga kabahin siya sa proseso sa katilingban.
Dugang pa ni João Dias, pinaagi sa pagpili sa ilang paboritong karakter, makat-on ang mga bata sa kahinungdanon sa pagdesisyon ug aktibong partisipasyon sa komunidad.