Gipalapdan pa sa mga otoridad ang hot pursuit operation batok sa suspetsadong nga nakaikyas human brutal nga mitigbas-patay sa usa ka 17-anyos nga inahan sa lungsod sa talakag, kagahapong adlawa.
Sa pakighinabi sa Bombo Radyo Malaybalay, si PMSG. Jessie M. Sanico, imbestigador sa Talakag Municipal Police Station, gibutyag niini nga nagtinabangay na ang kapulisan ug mga force multipliers aron madakpan ang at-large nga suspetsado samtang giandam ang tukmang kaso nga ipsaka batok niini.
Samtang nagpadayon ang imbestigasyon, gipanghimakak sa kapulisan ang mikatag nga mga hungihong sa social media nga gipanamastamasan matud pa ang biktima sa wala pa kini kabsi sa kinabuhi.
Giklaro ni PMSG. Sanico nga base sa ilang imbestigasyon, walay timailhan nga gihilabtan ang menor de edad atol sa insidente.