Gipatin-aw sa Sangguniang Kabataan (SK) Federation sa Valencia City nga ang pagkalugway sa ilang termino usa ka oportunidad aron mapalambo pa ang paghatag og serbisyo ug mapadayon ang mga programa alang sa kabatan-onan.
Sa pakighinabi sa Bombo Radyo, gipahayag ni Valencia City SK Federation President John Legeil Estoquia nga bisan adunay nagkadaiyang reaksyon sa katawhan sa pagka-oktaba sa Barangay ug Sangguniang Kabataan Elections o BSKE, magamit ang dugang nga panahon aron matutokan ang mga programa nga wala pa masugdan.
Gipasabot usab ni Estoquia nga padayon nilang gimonitor ang paggamit sa 10 porsiyentong bahin sa general fund sa matag barangay alang sa SK, subay sa Republic Act 10742 o SK Reform Act. Matud niya, 25 porsiyento niini ang alang sa honoraria, samtang ang nahibiling 75 porsiyento gitagana alang sa mga programa sa edukasyon, sports ug kalambuan sa kabatan-onan sa 31 ka barangay sa Valencia City.