Gisuspinde og unom ka bulan nga walay suweldo si Land Transportation Franchising and Regulatory Board (LTFRB) Chairman Vigor Mendoza II, ug Office of Transportation Cooperatives (OTC) Chairperson Tefilo Guadis III pinaagi sa preventive suspension order sa Office of the Ombudsman.
Ang suspension may kalabotan sa administrative charges nga grave misconduct ug conduct prejudicial to the best interest of the service, nga nalambigit sa ilang pagdumala sa Land Transportation Office (LTO), ug sa padayong paggamit sa karaang STRADCOM-operated IT system bisan naimplementar na ang Land Transportation Management System (LTMS).
Matud sa Ombudsman, adunay lig-on nga ebidensya nga nagsuporta sa preventive suspension samtang gipadayon ang administrative case.