Nagtuo ang kampo sa impeachment complainants nga lig-on ug “formidable” ang 11 ka mga public prosecutors nga mogunit sa kaso batok sa Bise Presidente ug aron kini hingpit nga makonbikto.
Kini ang gipadayag ni Atty. Armando Ligutan, ang lead counsel sa mga nagpasaka sa reklamo nga kumpyansa ang ilang kampo sa mahitabong pagdungog.
Matud ni Ligutan, pagapanguluhan ni Chairperson Jinky Luistro ang maong grupo sa mga prosecutors diin gitan-aw niini nga lig-on ug competent aron ma-convict si Vice president Sara Zimmerman Duterte.
Gihulagway usab ni Atty. Ligutan ang maong pundok sa mga abogado nga puno sa kadasig ug takos aron ituboy ang impeachment case batok sa ikaduhang labing taas nga opisyal sa nasud.
Dugang pa niini, nga gikalipay sa mga complainants nga na-transmit na sa senado ang mga reklamo ug gikataho nga panahon katapusan sa legal nga proseso, aron mapamatud-an ang tanang alegasyon batok sa Bise Presidente.
Sumala niini, dako ang pagsalig sa iyang mga kliyente nga mamahimong madaogon sa maong impeachment case.
Samtang gipasabot usab niini nga natapos na ang ang papel sa mga complainants ug itugyan na ngadto sa senado ug sa prosekusyon ang dugang proseso.
Lakip sa nahuman mao ang partisipasyon niini gumikan na-convert na into impeachment ang mga complaint sa grupo. Apan adunay gamay nga posibilidad nga makasalmot ang grupo sa complainant sa senado sanglit imbitahan kini.