Gibarugan ni La Union Representative Paolo Ortega nga dili usa ka “fishing expedition” o pataka nga pagpangita lang og bikil ang lakang sa House prosecution panel nga ipa-subpoena ang mga financial ug tax records ni Vice President Sara Duterte.
Kini taliwas sa gi-alegar sa kampo sa depensa nga nangita pa og dugang ebidensya ang prosekusyon pinaagi sa lapad nga sakop sa gipangayo nga subpoena. Sumala ni Ortega, ang pag-subpoena sa dugang nga bank ug financial records gikinahanglan aron mapakita ang tinuod nga pattern sa mga transaksiyon ug ang kinatibuk-ang hulagway sa bahandi sa Bise Presidente karon nga anaa na sa trial proper ang impeachment case.
Nakatakdang ipagawas sa Senate impeachment court ang desisyon labot sa maong subpoena. Gipaniguro usab ni Ortega nga andam gihapon ang prosekusyon nga ipresentar ang mga available nga financial records gikan sa AMLC nga una nang nailabas sa miaging imbestigasyon kon ugaling dili aprobahan sa korte ang ilang hangyo.