Komedyanteng si Dagul nangayo og tabang sa kaubanang artista

Nangayo ug tabang sa iyang kaubanang mga artista ang komedyanteng si Romeo “Romy” Pastrana o mas nailhan isip si Dagul, tungod sa mga hagit nga iyang giatubang sa kinabuhi.

Matud sa 66-anyos nga komedyante, naglisod kini sa pinansyal nga kahimtang tungod sa kakulang sa mga proyekto.

Bisan pa niini, miingon siyang mas maayo na ang iyang kahimtang sa panglawas kumpara sa miaging tuig gumikan pirmi kining na-ospital. Lakip sa iyang mga gibati nga sakit ang sleep apnea, problema sa baga ug ginabantayan usab ang iyang kidney.

Dugang pa, adunay problema ang iyang tuhod nga maoy hinungdan nga lisod na siyang makalakaw ug makatindog og tarong.