WORLD / INTERNATIONAL — Misaka na sa kapin 2,400 ka tawo ang gikatahong nawala samtang sobra sa 580 ka patayng lawas ang napalgan sa mga awtoridad human sa dakong pagbaha ug pagdahili sa lapok sa utlanan sa Nepal ug Tibet (China) sa kabukiran sa Himalayas.
Subay sa pahayag sa mga eksperto, ang trahedya gipahinabo sa pagkahugno sa usa ka dako nga glacier nga nakamugna og kusog nga pagbanlas sa yelo, bato, ug lapok. Ang maong “inland tsunami” nianod sa mga kabalayan, sakyanan, ug mga pasilidad sa hydropower, diin lakip sa mga nawala ang gatosan ka mga trabahante, langyawng turista, ug mga peregrino (pilgrims).
Padayon karon ang lisod nga search and rescue operation sa mga sakop sa militar ug kapolisan taliwala sa bagang lapok, samtang gipahimangnoan ang mga rescuers sa peligro sa subling pagbaha tungod sa natanggong nga tubig sa utlanan sa duruha ka nasod.