Nagpakita og suporta uban ang pagtimbaya sa kalipay ang kanhing beauty queen nga si Bianca Manalo alang kang Senator Sherwin Gatchalian pinaagi sa usa ka post sa iyang social media account human kini mapili isip bag-ong Senate President.
Sa iyang mensahe, gipadayag ni Bianca nga dako ang iyang pagsalig sa abilidad sa senador ug nag-ingon nga ang nasod nagkinahanglan sa iyang liderato. Tungod niini, iyang gipahayag ang iyang garbo sa nahimong kalampusan ni Gatchalian.
Human sa maong post, daghang netizens ug mga fans sa duha ang nagsugod og pangagpas nga posible nga adunay pagbalik sa ilang relasyon.
Kahinumdoman nga kaniadto gikompirma mismo ni Gatchalian sa usa ka interbyu ang panagbulag tali sa aktres.
Sa miaging mga report, giingong nalambigit sa ilang panagbulag ang kontrobersiya nga nahisgutan sa aktor nga si Rob Gomez human mikaylap sa social media ang mga mensahe nga naglambigit kanila.
Nadungagan pa kini sa mga alegasyon nga si Bianca matud nahimong ang 3rd party sa panagbulag ni Miss Universe Philippines 2009 Celeste Cortesi ug sa iyang partner nga si Jonathan Sterling.