Kumpyansa ang kampo sa mga biktima sa drug war nga ikumpirma sa International Criminal Court ang mga kaso nga gi-atubang ni kanhi Presidente Rodrigo Duterte.
Sa pakighinabi sa Bombo Radyo Philippines kang Atty. Neri Colminares, usa sa mga acredited council sa mga biktima, gibutyag niini nga solido ang mga gi-representa nga ibedensya sa kampo sa prosecution.
Samtang gilauman usab nga mas bug-at pang mga ebidensya ang ihatag kung ipadayon sa trial ang kaso sa kanhing Presidente Duterte.
Lakip niini ang documentes speech sa kanhing pangulo, ang accomplishment report niini sa Philippine National Police sa drug war, memorandum sa circular sa Philippine National Police ug uban pang dokumento nga nagpamatuod sa maong kalihokan.
Sumala ni Colminares, walay ebidensya ang kampo sa dependa nga nagpamatuod nga wala nalambigit ang kanhing pangulo sa drug war.
Gibalikan usab sa batikang human rights lawyer ang claims niini nga wala kini direktang pagmando sa kapulisan aron pamatyon ang mga drug personality.
Gisiguro niini nga makwestyon kini sa korte o sa ICC ang pagpatay sa liboan ka mga biktima kung wala kini pagmando sa kanhing pangulo.
Dugang pa niini, nga narepresenta sa prosecution ang tanan nga pattern nga gipatuman sa maong kampanya ug ang maong pattern nagatudlo kini sa aktwal nga kalambigitan sa kanhing pangulo.