Nagpabiling init ug gubot ang sitwasyon sa Senado human gisuportahan ni Atty. Eddie Cuaresma ang kampo ni Acting Senate President Sherwin Gatchalian ug giingong adunay legal nga basehan ang ilang gihimong reorganisasyon sa liderato ug mga komite sa Senado.
Gipadayag ni Atty. Eddie Cuaresma nga mas lig-on karon ang kampo ni Acting Senate President Sherwin Gatchalian tungod kay naa na kanila ang mayorya sa Senado human mibalhin si Senador Francis Escudero sa ilang grupo.
Sumala ni Cuaresma, nagpabilin gihapong Senate President si Alan Peter Cayetano apan limitado na lamang ang iyang gahum isip leader.
Gipasabot usab sa abogado nga adunay gihapong legal nga bili ang 1949 Supreme Court ruling sa Avelino vs. Cuenco nga nagtugot nga mahimong igo ang 12 ka senador aron makab-ot ang quorum sa pipila ka mga mosyon kung adunay mga senador nga dili maapil o dili maabot sa otoridad.
Dugang pa ni Cuaresma nga sa iyang pagtan-aw, ang gihimong committee hearing sa kampo ni Cayetano posibleng wala na’y lig-on nga legal nga awtoridad human mabalhin ang kontrol ug mayorya ngadto sa kampo ni Gatchalian.