Dul-an P8-M nga kantidad sa smuggled nga sigarilyo ang nakumpiska sa bag-ohay lamang nga mga operasyon sa Dalipuga Checkpoint ug sa baybayon sa Bara-Opol, Misamis Oriental, hapit P8 milyon nga kantidad sa smuggled cigarettes ang nakumpiska. Kini ang gibutayg ni PMAJ. Joann G. Navarro, tigpamaba sa Police Regional Office 10.
Gumikan niini gipahugtan sa Police Regional Office 10 ang kampanya batok sa smuggling, ilabina sa iligal nga mga sigarilyo, ubos sa bag-ong liderato ni Police Brigadier General Nestor Babagay Jr.
Sumala sa opisyal, nagpagawas dayon og direktiba si Babagay aron ipadayon ug dugang nga pagpalig-on sa anti-smuggling operations sa rehiyon.
Nakig-alayon usab ang PRO-10 sa Bureau of Customs ug ubang ahensya sa gobyerno aron mapugngan ang pagsulod ug pag-apod-apod sa mga smuggled nga sigarilyo.
Gibutyag usab ni Navarro nga nakita mismo ni Regional Director Babagay ang presensya sa smuggled cigarettes sa usa ka merkado atol sa iyang pag-inspeksyon sa usa ka llungsod sa Misamis Oriental, nga nagpakita sa taas nga panginahanglan niini sa kamerkaduhan.