Gilauman nga mapuno sa mga sikat nga bituon ang closing ceremony sa FIFA World Cup 2026 didto sa New York human gipahibalo nga ang Canadian pop star nga si Justin Bieber maoy usa sa mga manguna sa labing unang final half-time show sa kasaysayan sa maong torneo karong Hulyo 19.
Makauban sa 32-anyos nga singer sa 11-minutos nga pasundayag ang pipila ka mga nag-unang ngalan sa industriya sa musika sama nila ni Madonna, Shakira, ug ang sikat nga K-pop group nga BTS. Gawas kanila, magpasundayag usab ubos sa pagdumala ni Chris Martin sa Coldplay sila si Burna Boy, Gustavo Dudamel, ang PS22 Chorus, ug ang mga sikat nga karakter sa Sesame Street muppets.
Gipahayag ni Bieber sa iyang social media account ang iyang dako nga kahinam sa pag-apil niini, diin iyang giingon nga ang FIFA duna’y talagsaong gahom sa pagdala og panaghiusa sa tibuok kalibutan. Ang maong dako nga kalihokan gipasiugdahan uban sa Global Citizen nga nagtinguha nga makatigom og pundo alang sa FIFA Global Citizen Education Fund aron matabangan ang edukasyon sa mga kabataan.