Giila karon ang kaisog ug determinasyon sa pipila ka sikat nga male celebrities kinsa nipatigbabaw sa kamahinungdanon sa edukasyon pinaagi sa paghuman sa ilang kurso sa kolehiyo bisan pa man sa ilang ka-busy sa showbiz. Usa na niini si Jhong Hilario nga nigradwar isip magna cum laude sa kursong Political Science gikan sa Arellano University niadtong 2023, samtang si Baron Geisler nakahuman usab sa iyang degree sa Theology niadtong 2022.
Dili lang sila ang ehemplo sa mga artista nga wala mo-surrender sa pagtungha; apil usab sa listahan sila si Christian Bautista, kinsa usa ka Landscape Architecture graduate, ug si Ejay Falcon nga nakahuman sa Political Science niadtong 2022 pinaagi sa expanded tertiary education program. Kini nga mga bituon nagsilbing inspirasyon nga walay pinili nga edad o panahon ang pagkab-ot sa diploma, ug nga ang edukasyon nagpabilin nga usa ka bililhong bahandi bisan pa man sa kalampusan sa industriya sa kalingawan.
Gipakita niining maong mga aktor nga ang “showbiz fame” temporaryo lang, apan ang kinaadman ug ang nahuman nga kurso maoy magpabilin nga lig-on nga pundasyon alang sa ilang kaugmaon ug sa ilang pamilya.