Panagbangi sa yuta ang nakita nga rason sa kapulisan sa kamatayon sa biktima sa natigayong pagpamusil patay sa usa ka negosyante sa dakbayan sa Malaybalay, nga natigayun sa Monjay Electrical Supply sa Moreno Street kagahapon adlawa Mayo 15, alas 9 sa buntag.
Gikumpirma ni PLtCol. Joepet B. Paglinawan, Chief of Police sa Malaybalay City Police Station, nga ang insidente motibo’y panagbangi sa yuta tali sa mga nalambigit.
Gipadayag nga ang biktima usa ka tag-iya og hardware nga si alyas Boy Dela Cruz ug base imbestigasyon nga ang suspek mao ang pag-umangkon sa biktima nga gikan pa sa Davao City ug miadto sa lugar aron atubangon ang panagbangi sa yuta.
Nasamdan usab ang usa ka security guard nga misulay motabang sa biktima apan naigo sa bala ug karon sa balay tambalanan.
Gikumpirma nga ang biktima gideklarang dead-on-arrival sa ospital.
Gipatin-aw sa pulisya nga ang maong hitabo usa ka isolated case ug naggikan sa panagbangi sa pamilya kalabot sa yuta.