Usa ka talagsaong pagtuo ang gihimo sa usa ka Indianong deboto nga si Daulat Giri Ji Maharaj, nga lima na ka tuig nga wala molingkod o mohigda isip pagpakita sa iyang debosyon sa Hindu nga diyos nga si Lord Shiva.
Si Maharaj, nga nailhan usab sa ngalan nga Dulal Giri Ji Maharaj, sakop sa Khareshwari sect, usa ka grupo sa mga deboto nga nagpili sa dugay nga pagpabiling nagtindog isip pamaagi sa espirituwal nga pag-ampo ug paghalad sa kaugalingon.
Sumala sa mga taho, tumong niini nga makompleto ang 12 ka tuig nga ritwal nga gitawag og Khada Tapasya, diin magpadayon siya sa pagtindog aron makab-ot ang iyang espirituwal nga tinguha.
Aron makapahulay ug makatulog, naggamit siya og kahoy nga suporta nga nagsilbing sandigan sa iyang lawas bisan dili molingkod o mohigda.
Apan ang dugay nga pagtindog nakahatag og grabeng paghubag sa iyang mga batiis ug pag-usab sa kolor sa iyang panit, nga posibleng may kalabotan sa problema sa sirkulasyon sa dugo ug padayon nga presyur sa iyang mga tiil.