Gihulagway sa usa ka legal expert nga “highly politicized” ang nagpadayong impeachment trial batok kang Vice President Sara Duterte nga giingong tumong lamang aron dauton ang kredibilidad sa bise presidente.
Sa eksklusibong pakighinabi, gibutyag ni Atty. Proculo T. Sarmen nga ang mga alegasyong gipalanog ni kanhi Senador Antonio Trillanes IV—lakip na ang paglambigit sa pamilyang Duterte—ang gitumong aron makuha ang simpatiya sa publiko. Matod ni Sarmen, bisan kon mapalusot ang impeachment sa Kamara, dako ang posibilidad nga mabali kini o mapakyas ang conviction sa Senado tungod sa kakulang sa suporta ug sa nag-unang politikal nga aspeto niini.
Gidugang pa sa abogado nga ang mga isyu sama sa “one-year bar rule” ug ang pamaagi sa justice committee nga mura na og “mini trial” ang nagmugna og mga constitutional questions sa maong proseso.
Bisan pa sa maong legal nga pressure, gilauman ni Sarmen nga posible pa gani nga mosaka ang suporta sa mga alyado ug undecided voters ngadto kang Duterte. Sa katapusan, iyang gipaniguro nga ang dagan sa maong impeachment trial maoy magsilbing dakong basehan sa political standing sa bise presidente sa umaabot nga 2028 elections.