Gipasalig sa Malacañang nga padayon ang imbestigasyon sa mga giingong anomalya sa flood control projects sa nasud taliwala sa nagpadayong isyu sa impeachment batok kang Bise Presidente Sara Duterte.
Matud pa ni Palace Press Officer Claire Castro, wala mapasagdi sa administrasyon ang ubang mahinungdanong isyu sa gobyerno.
Giklaro niini nga ang Kongreso lamang ang nagtutok sa impeachment case isip kabahin sa ilang mandato, samtang ang ehekutibo nagpabilin sa ilang mga buluhaton.
Gidugang pa sa opisyal nga ang Office of the Ombudsman na ang naggunit sa pakisusi sa maong mga proyekto tungod kay sila ang dunay hurisdiksyon sa mga kasong may kalambigitan sa katiwalian sa kagamhanan.
Gibutyag usab niini nga dili pasabot nga adunay giatubang nga issue sa flood control ang nasud pasagdan na ang ubang problema sa nasud.