Mikaylap na ngadto sa 92 ka barangay sa Pilipinas ang African Swine Fever kon ASF, sumala sa Department of Agriculture kon DA, tungod sa padayong pagdaghan sa aktibong mga kaso ug bag-ong natala nga impeksyon sa pipila ka rehiyon.
Sumala ni DA Assistant Secretary Arnel de Mesa, padayon ang koordinasyon sa ahensya ug mga lokal nga kagamhanan aron mapugngan ang pagbalhin sa mga apektadong baboy.
Hugot usab nga gipatuman ang quarantine checkpoints ug pagdili sa pagbiyahe sa buhing baboy, karne nga walay hustong dokumento, ug mga produktong baboy gikan sa mga red zone.
Gidasig usab ang mga nagbuhi og baboy nga palig-onon ang ilang biosecurity pinaagi sa regular nga pagdisimpekta sa mga kulungan ug paglimit sa pagsulod sa dili awtorisadong mga tawo.