House of Representatives, magpatuman og mas hugot nga lagda sa 2027 budget insertions – Rep. Garin

Gisiguro ni Deputy Speaker Janette Garin nga magpatuman ang House of Representatives og mas hugot nga mga lagda ug parameters alang sa mga kausaban o “insertions” sa 2027 national budget, ilabina sa mga proyekto sa flood control.

Sumala kang Garin, mahimong usbon ang pipila ka proyekto nga gilakip sa National Expenditure Program kon NEP kung adunay bag-ong panginahanglan tungod sa mga bagyo, pagbaha, ug landslide.

Giinsistir usab ni Garin nga ang matag kausaban o gitawag nga errata kinahanglan adunay klaro ug balido nga rason.

Dugang pa ni Garin, nga dili na angay mausab ang mga anomaliya nga nalambigit sa flood control projects ug kinahanglan nga malikayan ang bisan unsang porma sa korapsyon.