Nagpagawas og pamahayag si House Justice Committee member Rep. Terry Ridon kabahin sa posibleng impeachment batok kang Bise Presidente Sara Duterte sa sunod semana.
Sumala kaniya, kumpyansa ang House Justice Panel nga makab-ot nila ang gikinahanglang ihap sa mga boto aron madayon ang impeachment ug mapasa ang kaso ngadto sa Senado alang sa paghusay.
Sa pagkakaron, adunay 56 ka boto nga natala, apan gilauman nga mosaka kini ngadto sa 106 ka boto o one-third sa tibuok House of Representatives diin igo aron pormal nga mapasaka ang kaso sa Senado.
Gidugang ni Ridon nga nagkadaghan ang mga magbabalaod nga nagsuporta sa maong lakang, ug posible pa gani nga mapantayan o malabwan ang 215 ka boto nga nakuha sa unang impeachment vote niadtong Pebrero 2025.
Alang kaniya, hapit na masiguro ang 106 ka boto, ug ang pangutana karon mao na lang kung pila pa ka dugang nga suporta ang ilang makuha.