Kumpirmado nga mosaguba na usab sa Gilas Pilipinas ang 7-foot-3 center nga si Kai Sotto alang sa ikaupat nga window sa 2027 FIBA World Cup Asian Qualifiers, sumala sa kumpirmasyon ni head coach Tim Cone.
Mibalik na sa pag-ensayo ang batan-ong higante human sa taas nga pahulay tungod sa naangkon nitong ACL injury sa wala nga tuhod niadtong Enero 2025. Gipahayag ni Cone nga usa ka dakong game-changer ang pagbalik ni Sotto alang sa krusyal nga kampanya sa pambansang koponan.
Gawas kay Sotto, gilauman usab ang pagbalik sa naturalized player nga si Justin Brownlee nga gikan usab sa pagkaayo sa injury. Adunay 10 ka adlaw ang Gilas sa pagpangandam sa dili pa nila harongon ang Jordan karong Agosto 28 ug ang Iran sa Agosto 30, nga parehong ipahigayon dinhi sa nasod.