Gibutyag sa Bureau of Fire Protection (BFP) nga usa ka electrical issue ang gitan-aw nga posibleng hinungdan sa sunog nga natigayun sa Purok 4, Kalasungay, Malaybalay City niadtong Mayo 21, 2026, nga miresulta sa kadaut sa tulo ka estruktura apan walay nasamdan o namatay sa maong insidente.
Sumala ni FO3 Brent clyde Suico – Media Relations Officer -BFP Malaybalay City sa BFP, naugdaw ang tulo ka bodega nga gipanag-iyahan nila Lina Villamor ug usa ka balay ni Sheryl Dizon, nga hinimo sa light materials sama sa plywood ug kawayan.
Gibanabana nga mokabat sa ₱37,000 ang kadaut sa maong insidente.
Base sa imbestigasyon, nagsugod ang kalayo sa bodega diin adunay gitapok nga mga karton nga gigamit sa negosyo sa prutas. Padayon pa ang imbestigasyon, apan giila nga electrical failure ang maong hinungdan sa insidente.