Eksportasyon sa produkto sa pinya paingon sa U.S gipalapdan pa

Posibleng tugotan na ang pagpasulod sa preskong pinya sa Pilipinas sa tanang pantalan sa Estados Unidos samtang nagpadayon ang panaghisgot tali sa duha ka nasud.

Matud ni Gerald Glenn Panganiban sa Bureau of Plant Industry, hapit na mahuman ang kasabutan kon wala nay dugang komento gikan sa mga stakeholders sa U.S.

Sa pagkakaron, ang preskong pinya gikan sa Pilipinas gitugotan lamang nga mosulod sa pipila ka mga pantalan sa U.S. tungod sa mga regulasyon batok sa pagsulod sa mga peste.

Naglaom ang BPI nga mapinal ang kasabutan sa dili pa matapos ang 2026, nga magpalapad sa merkado sa Philippine fresh pineapples ug makadugang sa eksport sa nasud.