Nagpahigayon og dako nga mass funeral o dungan nga pagpalubong ang katawhan sa Gaza City alang sa 112 ka mga Palestino—lakip ang 44 ka mga bata—nga nakuha gikan sa naguba nga residential compound human sa halos tulo ka tuig nga pagkahatabon sa kagub-an.
Ang mga biktima naggikan sa magkabanay nga pamilyang Abu Sharia ug Al-Hasayna, kansang mga lawas nahatabonan sukad pa sa pag-atake sa militar sa Israel niadtong Nobyembre 2023 sa Al-Sabra neighborhood. Nakuha ang ilang mga salin sa lawas ug tul-an human sa 17 ka adlaw nga pagpangalot gamit ang ilang mga kamot ug tabang sa heavy equipment gikan sa International Committee of the Red Cross (ICRC).
Gipahayag sa mga kabanay nga naghatag og katapusang dignidad ug kahupayan sa pamilya ang maong pagpalubong, samtang gibutyag sa Gaza Civil Defense nga gibanabanang kapin pa sa 8,000 ka ubang mga lawas ang nagpabilin nga natipunan sa mga naguba nga edipisyo sa tibuok rehiyon.