Dul-an P5-K nga kantidad sa smuggled nga sigarilyo, nakumpiska sa kapulisan sa Manolo Fortich

Sikop ang usa ka 28-anyos nga lalaki human naaktuhan nga namaligya og mga smuggled nga sigarilyo sa Merkado sa Barangay Tankulan, Manolo Fortich, Bukidnon, kagahapong adlawa, Marso 9.

Ang hiniusang operasyon sa kapulisan ug Municipal Health Office miresulta sa pagkakumpiska sa unom ka ream sa CANNON ug Modern cigarettes nga aduna’y kantidad nga mukaat sa Php4,800.00.

Ang  maong lakang kabahin sa gipahugtan nga kampanya batok sa ilegal nga gipatigayon sa tibuok probinsya.

Ang dinakpan ug ang mga ebidensya anaa na sa kustodiya sa Manolo Fortich MPS alang sa saktong dokumentasyon ug disposisyon.