- Advertisement -
Nakabsan sa hinulamang kinabuhi ang usa ka 29-anyos nga driver samtang nakaangkon og seryosong samad sa laing motorista human nagbangga ang duha ka motorsiklo sa Sayre Highway, Barangay Dalwangan, Malaybalay City, pasado alas 6:00 sa gabii niadtong miaging adlaw.
Sumala sa Malaybalay City Police Station, kalit nga miliko sa wala ang Skygo Duke 110 nga gimaneho sa 52-anyos nga walay lisensya, hinungdan nga nabanggaan sa nagsunod nga Suzuki Raider 150.
Nakaangkon og seryosong samad ang duha ka driver, apan gideklarar nga Dead on Arrival ang 29-anyos nga driver sa Suzuki samtang padayon nga gitambalan ang laing motorista.
- Advertisement -
Nadiskobrehan usab nga guba ang headlights ug brake lights sa Skygo nga motorsiklo.
- Advertisement -