Duha ka miyembro sa Communist Terrorist Group o CTG ang boluntaryong misurender sa kapulisan sa Talakag, Bukidnon niadtong niadtong milabay’ng adlaw ning kasamtanagang tuig.
Ang duha giila sa alyas nga “Tagyao,” 35 anyos, ug “Morsid,” 33 anyos, ug susamang mga residente sa Barangay Lantud.
Giila kini isip mga miyembro sa Militia ng Bayan sa Platoon Fury, SRC-5, NCMRC.
Mitugyan si Tagyao og usa ka kalibre .38 nga revolver ug duha ka bala.
Si Morsid mitugyan usab og usa ka improvised shotgun ug duha ka live 12-gauge ammunition. Matud sa kapulisan, ang mga mitahan kaniadto naghatag og pagkaon ug uban pang logistical support sa mga miyembro sa CTG.
Naengganyo sila sa pagsurender human makakita sa mga kanhi miyembro sa grupo nga nakabalik sa balaod ug nakabenepisyo sa mga programa sa gobyerno.
Anaa na karon sa kustodiya sa 1004th Maneuver Company, RMFB-10 ang duha alang sa debriefing, profiling ug hustong dokumentasyon.