Gisugyot sa Sangguniang Panlalawigan ang pag-aproba sa dugang nga prangkisa alang sa mga motorized tricycle ug trycab for hire sa lungsod sa Lantapan, Bukidnon.
Matud ni Board Member Larry Unahon, gipaboran sa Committee on Public Services, Utilities, and Transportation ang Ordinance No. 296, Series of 2026 nga gipasa sa 16th Sangguniang Bayan sa Lantapan niadtong Mayo 11, 2026. Pinaagi niini, madugangan gikan sa 500 ngadto sa 750 ka units ang gitugotan nga motorized tricycle ug trycab for hire sa maong lungsod.
Giamendahan usab sa maong ordinansa ang Section 6 sa Ordinance No. 192, Series of 2022, diin himuon na lamang nga usa ka tuig ang panahon sa pag-renew sa mayor’s permit gikan sa petsa nga napakyas ang operator sa pag-renew niini.
Sumala sa komite, nahiuyon kini sa Section 16 ug Section 447 sa Republic Act No. 7160 o Local Government Code of 1991 nga naghatag og gahom sa lokal nga pangagamhanan sa pagdumala sa trapiko ug pag-regulate sa mga negosyo alang sa interes sa publiko.
Tungod niini, girekomenda sa Committee on Public Services, Utilities, and Transportation ang hingpit nga pag-aproba sa maong ordinansa.