Nagpasidaan ang DSWD Northern Mindanao nga mahimong moreklamo ang mga benepisyaryo sanglit adunay sayop o paglapas sa pag-apod-apod sa mga ayuda ug programa sa ahensya.
Matud ni Roshiel M. Galia, Regional Information Officer Ssa Department of Social Welfare and Development, Region-X, mahimong direktang mo-file og reklamo sa DSWD pinaagi sa ilang hotline ug mga satellite office sa Northern Mindanao.
Samtang importante usab ang mga dokumento nga gipirmahan sa mga benepisyaryo isip pamatuod sa katukma sa ilang gideklarar nga impormasyon.
Gipasabot sa DSWD nga ang mga porma nga gipirmahan sa benepisyaryo mahimong gamiton sa pag-verify kung adunay reklamo o grievance kalabot sa pagdawat sa ayuda.
Gidugang pa nga kung adunay pagduhaduha sa kwalipikasyon sa usa ka benepisyaryo, mahimong mangayo og certification gikan sa barangay o lokal nga panggamhanan aron mapamatud-an ang iyang eligibility sa programa.