Drayber, daling misibat human makabangga og usa ka magtiayon nga sakay sa motorsiklo

Angol ang usa ka magtiayon human nabanggaan sa wala pa mailhing sakyanan sa may bahin sa Cabangahan, Malaybalay City nkagahapong adlawa,  Hunyo 15, ning kasamtangang tuig.

Sumala sa mga nakasaksi, human sa hitabo daling miikyas ang drayber sa sakyanan ug wala na kini makit-i.

Gikatahong ilabihan ang pagkaangol sa lalaki ug dali nga gidala sa ospital alang sa medikal nga pagpanambal, samtang ginasuta pa ang kahimtang sa iyang kauban.

Wala pa mailhi ang mga biktima gumikan wala kini dala nga identification cards o bisan unsang dokumento nga magpaila sa ilang identidad.

Padayon usab ang panawagan sa mga otoridad ug residente sa publiko nga ipaambit ang impormasyon aron dali nga makontak ang pamilya sa maong mga biktima.