Gituohang Crime of Passion ang motibo sa pagpatay sa usa ka lalaki sa iyang live-in partner sa Barangay Poblacion, Libona, Bukidnon niadtong Agosto 3. Giila sa Libona Municipal Police Station ang suspek nga si Melvin Lora, live-in partner sa biktima nga giila sa alyas nga Fritz.
Matud kang PCAPT Erwin James Tabequero, Deputy Chief sa Libona Municipal Police Station, usa sa ilang gitan-aw nga motibo sa krimen mao ang pangabugho, base sa mga mensahe nga ilang nakit-an sa cellphone sa suspek.
Kahinumduman nga ang maong suspek, milukso sa Atugan Bridge sa Impasug-ong niadtong milabayng adlaw, rason sa pagkakalas sa hinulamang kinabuhi niini.
Gikumpirma nga giila sa kapulisan si Melvin nga nag-unang suspek (Prime Suspect) base sa mga circumstantial evidence nga nakalap atol sa imbestigasyon.
Lakip sa giisip nga makapalig-on sa ebidensya ang pag-ikyas sa suspek samtang gipaningkamotan sa mga otoridad nga mailhan ang biktima.
Gani gisaysay sa opisyal nga dili na mapdayon ang pag-file og kaso ug makonsidera na kini nga case close. Â