Nakurat si Armed Forces of the Philippines (AFP) Col. Magtanggol Panopio human nahibaloan nga ang iyang certification alang sa mga Youth Leadership Summit gigamit isip suporta sa liquidation sa kapin 15.54 milyon pesos nga confidential funds sa Department of Education (DepEd). Sa iyang pagtestigo atubangan sa Senate Impeachment Court, gipahayag ni Panopio nga gituyo lamang ang maong sertipikasyon niadtong Disyembre 2023 aron pamatud-an nga natuman ang mga youth summit sa ilang area of operations, ug wala kini nagpamatud sa bisan unsang paggasto o pagbalhin sa pondo.
Gidugang sa opisyal nga sa usa ka congressional hearing na niya pormal nga nahibaloan nga gilakip diay ang maong dokumento sa subli nga pagpasabut ngadto sa Commission on Audit (COA).
Gipasabot usab ni Panopio nga kabahin sa iyang katungdanan isip assistant chief of staff for civil-military operations ang pagluwat og mga sertipikasyon subay sa mando sa iyang commander ug koordinasyon sa DepEd.
Matud niya, wala siyay impormasyon kon ngano nga gigamit kini sa maong liquidation ug gitino niya nga dili kini igo aron suportahan ang paggasto sa confidential funds.