Subling miulbo ang tensyon tali sa security personnel sa Central Mindanao University (CMU) ug mga miyembro sa Buffalo-Tamaraw-Limus o BTL Musuan Inhabitants Landless Farmers Association o MILFA karong Agosto 18, 2026 sa Maramag II.
Gikaalarma sa mga miyembro sa BTL-MILFA ang presensya sa mga security personnel sa CMU nga kauban ang mga kapulisan sa Maramag nga gipangulohan ni PLtCol. Hope Mark Orbuda, kalabot sa gihimugos nga order gikan sa DAR Central Office alang sa posibleng revalidation sa maong luna.
Matud ni Herman Santillan, spokesperson sa BTL-MILFA, kinahanglan una nga hulaton ang opisyal nga revalidation sa Department of Agrarian reform (DAR) ug gihangyo nga walay bisan unsang kalihokan nga ipatuman ang CMU sa maong yuta samtang wala pa mahuman ang proseso.