Nagpahayag og pagkadismaya si Akbayan Partylist Representative Perci Cendaña kalabot sa nagkagrabe nga tensyon sa Senado, ug sigon niini nga kung wala unta’y political dynasties, malikayan unta ang kagubot ug “drama” nga nahitabo sulod sa institusyon.
Sa talumpati ni Cendaña sa Kamara, gihulagway niya ang sitwasyon sa usa ka “prime time teleserye” diin ang mga nag-unang aktor mao ang mga pamilya sa politika nga naggrupo ug nagbangga para sa gahum.
Gipunting ni Cendaña nga ang pagpamuno sa pipila ka pamilya sa politika maoy nagdala og tensyon, panagbangi, ug instability sa gobyerno, nga nakaapekto dili lang sa Senado kundi sa tibuok proseso sa pagdumala sa nasud.
Sumala ni Cendaña , imbes nga mapunting ang atensyon sa paghimog balaod, napugos hinuon ang publiko sa pagtan-aw sa mga panghitabo nga puno sa emosyon ug kagubot.
Gitapos niya kini nga kinahanglan huptan ang regulasyon batok sa political dynasties aron malikayan ang susamang insidente ug mapalig-on ang demokratikong institusyon sa Pilipinas.