Subling musalmot alang sa laing world title ang two-time Olympic gold medalist nga si Carlos Yulo human makasulod sa finals sa floor exercise ug vault sa 54th Artistic Gymnastics World Championships sa Rotterdam, Netherlands.
Nakuha ni Yulo ang ikaduhang puwesto sa floor exercise human makarehistro og 14.500 ka puntos, samtang ikaunom kini sa vault human makakab-ot og 14.266 puntos. Bisan wala siya makasulod sa all-around finals human mahimutang sa ika-34 nga puwesto, padayon gihapon ang iyang paningkamot nga makadugang sa iyang mga titulo sa kalibutan.
Kauban usab sa maong kompetisyon ang iyang manghod nga si Karl Eldrew Yulo, kinsa nahimutang sa ika-84 nga puwesto sa kinatibuk-ang ranggo.
Nakatakdang ipahigayon ang finals sa floor exercise sa Sabado, samtang ang vault finals himoon sa Domingo.
Tulo na ka world championship titles ang naangkon ni Carlos Yulo, lakip ang iyang mga kadaugan niadtong 2019, 2021 ug 2025. Bag-o lang usab siyang nakadaog og duha ka bulawang medalya sa Asian Games nga gipahigayon sa Japan niadtong Septiyembre.