Gisaulog sa Probinsya sa Bukidnon ang ika-112 nga founding anniversary niini, uban sa tema nga “112 Years of Resilience: Standing Firm, Moving Forward as a United, Unified Bukidnon.”
Sa iyang mensahe, gitagaag kabug aton ni Gobernador Rogelio Neil P. Roque nga ang kalamboan sa probinsya resulta sa paningkamot ug panaghiusa sa mga residente niini.
Gipasigarbo usab sa gobernador ang pag-uswag sa Bukidnon sa imprastraktura, agrikultura, turismo, panglawas, edukasyon ug kalinaw ug kahapsay.
Gipahayag usab niini ang dakong papel sa mga mag-uuma, mamumuo, negosyante, propesyonal, kabatan-onan ug lumadnong komunidad sa pagpalambo sa probinsya.
Samtang, gihangyo ni Roque ang tanang Bukidnonon nga ipadayon ang kooperasyon, pagpanalipod sa kinaiyahan ug kultura, ug pagpalig-on sa agrikultura ug industriya alang sa umaabot nga mga henerasyon.
Matud pa niya, walay limitasyon ang mahimong makab-ot sa Bukidnon kung magpabiling nahiusa ug unahon ang kaayohan sa katawhan.