Opisyal nang gipirmahan ni Presidente Ferdinand Marcos Jr. ang Republic Act No. 12326, ang balaodnon nga nag-oktaba o nag-postpone sa Barangay ug Sangguniang Kabataan Elections (BSKE) nga gikatakda karong umaabot nga Nobyembre 2026. Gikumpirma ni Palace Press Officer Undersecretary Claire Castro karong adlawa, Septembre 25, nga hingpit nang gipirmahan sa Presidente ang maong balaod.
Ubos niini, ibalhin ang sunod nga piniliay o bugnong lugaynon sa ikaduhang Lunes sa Nobyembre 2028. Tungod sa maong bag-ong balaod, mapalawig og dugang duha ka tuig ang paglingkod sa mga kasamtangang opisyal sa barangay ug SK nga napili niadtong Oktubre 2023 sa usa ka holdover capacity.
Gawas niini, gi-amendahan usab sa maong balaod ang termino sa mga opisyal sa barangay ug SK ngadto na sa fixed term nga lima (5) ka tuig, imbes nga upat (4) ka tuig lang.
Kahinumduman nga paspas nga giaprobahan sa Kamara ug Senado ang maong balaodnon sa miaging mga bulan. Bisan pa man sa mga pagsupak gikan sa pipila ka election watchdogs ug legal experts nga nagkanayon nga ang sunod-sunod nga pag-oktaba makadaot sa katungod sa katawhan sa pagpili ug sa prinsipyo sa “accountability”.
Apan gipadayon sa Palasyo ang pagpirma niini aron mahatagan og kalig-on ug taas nga panahon ang mga lokal nga opisyal sa pagpatuman sa ilang mga programa.