Gipalig-on sa Barangay Simaya sa Malaybalay City ang pagpangandam alang sa posibleng pagbaha ug epekto sa Super El Niño, ilabina sa lima ka purok nga giila nga grabeng apektado sa baha ug landslide.
Matud ni Barangay Kagawad Carmelita Aledo, andam ang barangay nga modawat sa mga residente sa ilang covered court nga magsilbing evacuation center, lakip ang paghatag og pagkaon, tambal ug uban pang panginahanglanon.
Gipasabot usab ni Aledo nga aduna silay tulo ka tinubdan sa tubig gikan sa mga spring ug mga atabay nga mahimong magamit kon adunay brownout nga makaapekto sa ilang mga jetmatic pump panahon sa El Niño.
Sa laing bahin, giawhag niya ang mga residente nga sayo nang mangandam ug mosunod sa tambag sa barangay nga mobalhin sa evacuation center sa dili pa mosaka pag-ayo ang tubig, aron malikayan ang kalisod sa pagluwas kanila ug masiguro ang pag-andam sa ilang mga panginahanglanon.