Bagyong Bavi nag-landfall sa China, kapin 1.7-M katao gihikling!

Gihikling na ang kapin sa 1.7 milyon ka mga residente human sa mi-landfall sa Bagyong Bavi sa Zhejiang, China.

Sa wala pa moigo ang bagyo, gipataas na sa China ang alerto sa Eastern China tungod sa kusog nga hangin nga miabot og 144 kilometro matag oras.

Una nang gipatuman sa China ang orange typhoon alert, nga maoy ikaduhang pinakataas nga lebel sa ilang upat ka hugna sa pagpasidaan batok sa bagyo.

Tungod sa epekto sa bagyo, daghang biyahe sa eroplano ang gikansela ug gikunhuran usab ang operasyon sa mga tren.

Gisuspensde usab ang klase sa mga eskuwelahan ug ang operasyon sa ferry service sa mga apektadong lugar.