Gamiton sa Philippine Army ang mga bag-ong kagamitan panggubat ilalom sa Salaknib Exercises 2026, lakip na ang Ascod tanks, self-propelled 155mm artillery, ATMOS (Autonomous Truck Mounted Howitzer System), ug uban pang kagamitan nga nakuha ilalom sa AFP Modernization Program.
Suwayan usab ang bag-ong Armored Escort Vehicles (AEV) sa maong simulation.
Sumala kang PA Spokesperson Col. Louie Dema-Ala, ipahaom ang mga bag-ong kagamitan sa mga dala sa US Army Pacific, Japan Ground Self-Defense Force, Australian Army, ug New Zealand Army, nga nagpadala og mga tropa sa Northern Luzon, ang nag-unang lugar sa maong military drill.Â
Sa kasamtangan, wala pay kasiguraduhan kung gamiton ba sa ehersisyo ang Typhon Missile System sa US, nga kaniadto gikuwestiyon sa ubang nasud sama sa China tungod sa giingong hulga niini sa regional security sa Asia-Pacific.
Matud ni Col. Dema-Ala, ang desisyon kung iapil kini sa simulation anaa ra sa liderato sa Armed Forces of the Philippines ug sa US Armed Forces.Â
Ang Salaknib 2026 mao ang pinakadaghan nga partisipante sukad gisugdan ang maong ehersisyo, nga adunay kapin 7,000 ka sundalo gikan sa lima ka nasud, lakip ang Pilipinas.
Tungod sa kadako sa mobilisasyon, gipahimangnoan na usab sa Philippine Army ang mga residente sa Northern ug Central Luzon sa presensya sa mga military trucks, aircraft, ug mga sundalo gikan sa US, Japan, ug uban pang kaalyado nga miapil sa drill.