Mag-abot pag-usab sa korte ang Pinay tennis star nga si Alex Eala ug ang World No. 10 nga si Elina Svitolina sa Ukraine alang sa usa ka pwesto sa semifinals sa 2026 Mubadala DC Open nga gihimo sa Estados Unidos.
Kini ang ikaduhang pagbagat sa duha karong tuiga, kasunod sa pagmalampuson ni Eala batok sa Ukrainian star sa ilang unang sangka sa Berlin Open niadtong Hunyo.
Nakasulod si Eala sa quarterfinals human niya gipalagpot ang defending champion nga si Leylah Fernandez sa Canada sa marka nga 6-2, 7-6(1), pinaagi sa usa ka impresibong comeback gikan sa 1-5 nga pagkabiya sa ikaduhang set.
Samtang si Svitolina nakalarga sa maong round human gipildi si Polina Kudermetova sa Uzbekistan (7-6, 6-4). Bag-ong hagit kini sa duha tungod kay sa hardcourt na ipahigayon ang maong sangka, lahi sa ilang unang pagduwa nga gihimo sa grass court.