Usa ka bug-at nga hagit ang atubangon sa Filipina tennis sensation nga si Alex Eala human niya makatigi si Olympic gold medalist Zheng Qinwen sa China sa unang round sa WTA 500 Mubadala DC Open.
Kini nga dula ang magsilbing pagsugod sa kampanya ni Eala sa North American hard-court season isip pagpangandam sa US Open, human sa iyang makasaysayanong pag-abot sa Round of 16 didto sa Wimbledon.
Si Zheng, nga nakakuha og bulawang medalya sa 2024 Paris Olympics ug nakakab-ot kaniadto sa Rank 4 sa kalibotan, naa karon sa Rank 123 human nakasinati og operasyon sa siko ug padayon pa nga nagbalik sa iyang nindot nga porma sa pagdula.
Samtang, gipuno sa daghang mga Filipino supporter ang venue atol sa practice session ni Eala didto sa Washington, D.C. aron sa pagpadayag sa ilang suporta, diin gigahinan usab sila sa batan-ong Pinay tennis star og oras alang sa mga hulagway ug autograph.