Usa ka Thai-flagged cargo vessel, ang “Mayuree Naree,” ang giatake sa wala mailhing mga bala (projectiles) samtang naglawig sa Strait of Hormuz kagahapon, Marso 11. Tungod sa maong pagpangatake, miulbo ang kalayo sa barko ug tulo ka tripulante ang gikatahong nawala ug gitoohang na-trap sa engine room.
Sa kinatibuk-ang 23 ka tripulante nga pulos mga Thai nationals, 20 ang malampusong naluwas sa Royal Navy sa Oman human sila daling nakagawas gamit ang mga life raft. Ang maong barko gikan sa United Arab Emirates ug padulong unta sa India sa dihang nahitabo ang insidente.
Padayon pa ang gihimong search and rescue operations alang sa tulo ka missing nga tripulante, samtang gina-imbestigahan pa kon kinsa ang responsable sa maong pagpangatake taliwala sa nagkagrabe nga tensyon sa rehiyon.