Gihisgutan karon ang usa ka dakong isyu nga naghatag og mantsa sa garbo sa Bukidnon human sa mikaylap nga hungihon diin gihimong gatasan o negosyo ang selebrasyon sa Kaamulan Festival.
Kini angibutyag ni Atty. Arbie Saway Llesis, ddiin gitan-aw niini ang paghimo nang negosyo sa tinuig nga Kaamulan Festival imbes nga usa kini ka tinuod nga pasidungog sa kultura sa mga lumad kon Indigenous People sa Bukidnon.
Sumala sa maong opisyal, ang kagamhanan sa probinsya naggahin og kapin sa 30 milyones pesos nga budget alang sa maong festival, apan moabot ngadto sa 80 milyones pesos ang kinatibuk-ang kita niini, nga nagpasabot og dako nga ginansya nga mokabat sa 50 milyones pesos.
Hugot nga gisaway niini ang dili makiangayon nga pagtratar sa pito ka tribo sa Bukidnon tungod gumikan ang matag tribo gahinan lamang og 100,000 pesos, diin ang mga sumasayaw tagaan lang og tag-1,000 pesos nga allowance alang sa ilang pagkaon ug plete.
Matud usab niini nga nakigpulong kini sa mga opisyal sa Saranggani uban ang nagkalain-laing kawani ug mga representante sa nagkadaiyang lalawigan, aron hisgutan ang mga isyu ug mga lakang alang sa mga kaigsuonang lumad.
Usa sa gibug-atan niini mao ang paghatag og higayon nga magtagbo ang mga tribu atol sa selebrasyon aron hisgutan usab ang mga isyu ug problemang giatubang gumikan walay giandam nga lugar alang niini.Â