Gipanghimakak ni Atty. Neri Colmenares ang giingon sa legal team ni kanhing Pangulong Rodrigo Duterte nga wala’y “common plan” sa mga pagpatay nga nahitabo sa ilawom sa drug war sa administrasyon sa kanhing pangulo.
Sumala ni Colmenares, nga nagsilbing legal counsel sa mga pamilya sa biktima sa drug war, nagitabo ang halapad nga pagpatay, ug sa matag pahayag ni kanhing pangulo, nga diin gipasigarbo ang daghang namatay sa drug war.
Sumala ni Colmenares, nga kung walay “common plan,” unsaon man ipasabot sa nakalabay nga administrasyon ang mga pagpatay nga giila sa Philippine government ug sa mga international observers nga resulta sa drug war?
Dili madawat ni Colmenares nga walay gihimong plano nga gipatuman sa drug war, gumikan adunay klaro nga common denominator o pagkapareho sa mga nahitabo nga pagpamatay, nga una nang gipakita ug na-establish sa Prosekusyon.
Gihimo usab niyang kataw-anan ang giingon ni Kaufman, diin nga ginapugos sa abogado nga walay plano, daw nabutang lang kini nga adunay mga Pilipino nga adunay problema sa pangisip nga basta lang mipatay og liboan ka mga tawo sulod sa unom ka tuig ni Duterte isip pangulo.
Gibarugan ni Colmenares nga ang mga nahitabo dili lang random action, kundili planado ug adunay sistema.
Sumala pa sa abogado, dili tuohan sa mga hukom sa International Criminal Court (ICC) ang giingon sa lead defense counsel gumikan dili gyud kini katuohan.
Gidugang pa niini, nga adunay igong ebidensiya ug dokumento nga nagpamatuod nga organisado ang mga pagpatay, ug kini siguradong ipresenta sa Prosekusyon kung magpadayon ang kaso sa full trial.