Gipadayag ni Senate President Pro Tempore Panfilo Ping Lacson nga wala kini tumong nga mudagan sa taas nga posisyon sa umaabot piniliay sa tuig 2028.
Matud ni Lacson, wala sa hunahuna niini ang pagdagan isip Presidente o bise-Presidente, tungod ang prayoridad karon mao matud pa ang hustong pagtuman sa katungdanan isip Senador ug ang pagkompleto ug paghuman sa termino nga adunay integridad.
Dugang pa niini nga anaa na kini sa final phase sa career sa kadugayon serbisyo sa gobyerno nga gibanabanang anaa na sa kapin kon kulang 5 ka dekada.
Gilauman niining mopahulay na sa aktibong politika human matapos ang termino sa 2031.
Taliwala sa desisyon niini nga dili moapil isip kandidato, mipadayag si Lacson sa panglantaw sa kahimtangan sa politika sa 2028, diin gipasiugda nga ang isyu sa korapsyon magpabiling usa ka dakong sukdanan sa kredibilidad ug pagka-andam sa tanang politiko nga mangandoy sa pinakataas nga posisyon sa nasud.