Gipahibawo ni Atty. Nicholas Kaufman, ang lead counsel ni kanhi Presidente Rodrigo Duterte, nga dili mosalmot ang iyang kliyente sa gikatakdang confirmation of charges hearing sa International Criminal Court (ICC) pinaagi sa video conference.
Sumala sa depensa, gusto nila nga personal nga moatubang sa korte sa The Hague, Netherlands aron mas mahatagan og gibug-aton ang ilang mga argumento, ilabi na ang isyu sa “legal competence” sa korte. Ang maong hearing gikatakda karong Pebrero 23 hangtod 27, 2026.
Tumong sa maong proseso nga sutaon kon duna ba’y igong ebidensya ang prosekusyon aron idayon ang pormal nga husay o trial batok sa kanhi presidente may kalabotan sa kampanya batok ilegal nga droga. Sa pagkakaron, nagpabilin nga nakadetine si Duterte sa ICC Detention Center samtang naghulat sa sunod nga mga lakang sa korte.