Giklaro sa Malacañang nga ang gobyerno dili magpadala sa bisan unsang provokasyon taliwala sa mga isyu sa West Philippine Sea. Sumala ni Undersecretary Claire Castro, na magpabiling lig-on apan diplomatiko ang baruganan ni Presidente Marcos aron panalipdan ang teritoryo ug interes sa nasod pinaagi sa legal nga mga paagi.
Gibarugan sa Palasyo nga ang Pilipinas dili “push-over” kon hisgotan na ang katungod niini sa kadagatan.
Dungan niini, gipadayag usab sa Presidente ang iyang pagsuporta sa pagpasar sa Anti-Political Dynasty Law. Sugod karong adlawa, Pebrero 12, gipahigayon ang unang public consultation didto sa Carmona, Cavite.
Tumong niini nga makuha ang mga sugyot sa stakeholders aron makamugna og klarong limitasyon batok sa mga political dynasty, subay sa mando sa 1987 Constitution alang sa mas lig-on nga demokrasya.